‘Εναν πουλίν καλόν πουλίν εβγαίν΄ από την Πόλη
εβγαίν΄ α σα Καστρόειχα των Κομνηνών παλάτιε
επέμναν τα πόρτας ανοιχτά και τ΄ ανοιγάριε εχάθαν
ολονυχτίς επέτανεν με τα φτερά ΄νοιγμένα
επήεν κι ενεκόνεψεν ση ποταμί την άκραν
κι έχτισεν την φωλέαν ατ’ με αίμαν και με δάκριε.
Χρόνια έρθαν κι εδέβανε καιροί έρθαν και πάγ΄νε
εκείνον το καλόν πουλίν με τα δύο φτερούλιε
εσκέπαζεν ευλάβικά ολόεν έναν Έθνος,
ερχίνεσεν να καλατσεύ΄ μ΄ ενθρώπινον λαλίαν,
“Εσείν ανθρώπ΄ π΄ εγέννεσαν τη Πόντου οι Κυράδες
π΄ ευλόησαν η Σουμελά κι ο Περιστερεώτας,
ο Βαζελών και η Βλαχερνά και η Φωτεινή τη Σμύρνης
έρθεν η ώρα το καλόν κι ούλ΄ μαζί εντάμαν
μ΄ έναν λαλίαν εύλογον να κρούμε τα καμπάνας
μικρά τρανά να τραγωδούν να χάρεται ο κόσμον.
Ανοίξτε στράτας έμορφα και ψάλτε Τη Υπερμάχω
έρταν παιδία που φορούν φανέλας με ιστορίαν
με τη Δεσπότ΄ τη Διαταγήν και Διάκου συνερργία
ΑΕΚ και ΠΑΟΚ απέσ΄ σ΄ αλών΄ τ΄ εμέτερα παιδία
οι δυ πα είν΄ τη Προσφυγιάς κι έζησαν την μπόρα
εντ΄μαν να πορεύκουνταν ατώρα έρθεν η ώρα!!!»
Πάμε να τιμήσουμε την Ιστορία μας, να χαρούμε όλοι μαζί σο Παρχάρ’…. ΤΕΜΟΝΑΕΚ.
Γιώργος Ζαχαριάδης (Τεμόν ΑΕΚ) Πτολεμαϊδα
ΑΕΚΑΡΑ φέρε μας το Κύπελλο!!!